Izraeli nisi sulme ajrore mbrëmjen e sotme në tre vendndodhje në Luginën Bekaa në Libanin lindor, njoftoi agjencia zyrtare e lajmeve e vendit (NNA).
Agjencia France-Presse (AFP) dhe Reuters, duke cituar burime të mirëinformuara, thanë se objektivat ishin depot e armëve të Hezbollahut.
Video nga vendi i ngjarjes tregon se pas shpërthimit fillestar ka pasur disa pasgoditje, ndoshta nga shkatërrimi i municioneve të depozituara në vend.
BREAKING:
Israeli airstrike hits a large Hezbollah weapons depot in Baalbek, Lebanon.
Lots of secondary explosions pic.twitter.com/PRmPhGt6Ne
— Visegrád 24 (@visegrad24) August 19, 2024
Që nga fillimi i luftës midis Izraelit dhe Hamasit më 7 tetor 2023, ka pasur armiqësi pothuajse të përditshme midis ushtrisë izraelite dhe Hezbollahut të Libanit, i cili mbështet lëvizjen islamike palestineze.
Megjithatë, shqetësimi për përhapjen e konfliktit në rajonin e gjerë është intensifikuar pas sulmit izraelit të 30 korrikut në Bejrut që vrau një zyrtar ushtarak të Hezbollahut dhe çoi në vrasjen e shefit të Hamasit Ismail Haniya një ditë më vonë në Teheran.
Irani dhe Hezbollahu kanë kërcënuar se do të hakmerren./vizionplus.tv
