Video e re për sulmet e Belgjikës

Prokuroret belge kane publikuar nje tjetër video, ku shfaqet i kërkuari kryesor për sulmin terrorist ne aeroportin e Brukselit ne 22 mars. Kjo është videoja e dyte qe fokuson te dyshuarin, pas largimit nga aeroporti dhe rrugën qe ai përshkon ne harkun kohor te dy orëve. Ai mban kapele dhe xhakete, te cilen me pas e heq dhe e hedh poshtë. Gjurmët e tij humbasin pranë institucioneve te BE ne qendër te Brukselit, jo shume larg stacionit te metrosë ne Melbek. Kërkimet e deritanishme per kapjen e tij kane rezultuar te pasuksesshme, dhe prokuroret kërkojnë ndihmën e publikut per identifikimin e tij. Autoritetet kane kërkuar informacione nëse dikush e ka gjetur xhaketën e tij.
Dy prej tre sulmuesve te aeroportit mbeten te vrare nga shpërthimet, qe i morën jetën 32 vetëve, ndërsa personi i trete u largua. Fillimisht dyshimet ranë mbi një gazetar Freelance, qe u arrestua, por me pas u lirua per mungese provash. Ndërkaq, ne autoritetet daneze arrestuan ne Kopenhagen katër persona te dyshuar për lidhje me shtetin islamik. Policia sekuestroi armë të shumta dhe municione, çka shton dyshimet per përgatitjen e nje sulmi terrorist, por identitetet e tyre nuk janë bere te ditura.