Vetingu ne polici do të jetë një fotokopje e procesit te rivlerësimit në sistemin e drejtësisë.
Të paktën kjo u pa në seancën e parë zyrtare që u zhvillua këtë të martë ku para komisionit të jashtëm të vlerësimit doli Oltion Shehu, Shef i Sektorit të Ankesave në shërbimin për çështjet e brendshme dhe ankesave në ministrinë e brendshme.
I pari zyrtar i policisë që i nënshtrohet vetingut, rezulton sipas KJV-së me burime të pajustifikuara të ardhurash për ndërtimin e shtëpisë si dhe me mungesa sa i takon aftësisë profesionale. Sa i takon pastërtisë se figurës Oltin Shehu rezultoi i përshtatshëm për të vijuar detyrën ndërkohë që edhe vetë ai kërkoi rikonfirmimin.
Komisioni i jashtëm i vlerësimit ka shpallur dy listat e para me nga 45 zyrtarë të lartë që do ti nënshtrohen fillimisht Vetingut ndërsa struktura tjetër e policisë ne nivel të mesëm dhe zbatues do të kalojë në sitë nga komisione të tjera që do të ngihen pas verifikimit të 300 gradave madhore.
