Tom Ndreca, anëtar i Gjykatës së Lartë dhe gjykatës i dosjes së ngjarjeve të 21 janarit, është përballur me probleme në provimin e Vetingut.

 

Edhe pse Drejtoria e Informacionit të Klasifikuar raportoi se figura e gjykatësit është e pastër, nga hetimi i Komisionit të Pavarur të Kualifikimit, rezultoi se Ndreca ka pasur kontakte me një person me inicialet N.Gj, pjesë botës së krimit. Personi në fjalë është kunati i gjykatësit. Më saktë, në vitin 2012 bashkëshortja e Ndrecës i ka shitur më makinë. Kunati ishte arrestuar në vitin 2011, me akuzën prodhim dhe shitje narkotikësh. Atij i shin gjetur 400 gram kanabis.

 

Por Prokuroria e Shkodrës kishte pushuar hetimet, pasi ishte vlerësuar se sasia e drogës ishte për përdorim vetjak. Ndërkohë që 6 kilogramët hashash të gjetura në shtëpi, nuk ishin të tijat.

 

Gjyqtari nuk ka mohuar ndalimin e kunatit, por nuk e ka deklaruar në formularin për figurën, me arsyen se ndaj hetimet ishin pushuar.

 

Probleme sipas Komisionit, Ndreca ka edhe me pasuritë. Hetimi tregoi se deklarimi i pasurisë është i pasaktë, pasi ka mungesë të ligjshme financiare për të justifikuar 1.3 milionë lekë. E po ashtu, në deklaratën e Vetingut nuk ka deklaruar likuiditetet në 3 llogari të familjes me vlerë 100 mijë lekë. Gjithashtu, gjykatësi nuk ka deklaruar automjetin në emër të djalit. Ndreca pretendoi se për 1.3 milionë lekët, nuk janë marrë në konsideratë të ardhurat e punës nga viti 1980.

 

Pjesë e pasurisë së paluajtshme të gjykatësit janë tre apartamente, njëri prej të cilëve në Golem.

 

Vendimi për gjyqtarin që u bë i njohur për heqjen e 10 votave që bënë kryebashkiak Lulzim Bashën. Do të jepet më datë 17 korrik, të njëjtën ditë kur do të thuhet fjala e fundit edhe për gjykatësin tjetër të gjykatës së lartë Admir Thanza.

 

 

Leave a Reply

Your email address will not be published. Required fields are marked *