Boiken Abazi lajmëron se ditën e hënë do të dërgojë në KQZ faktet që tregojnë shkeljet që kanë ndodhur gjatë zgjedhjeve të 25 prillit.
Kandidati i Lëvizjes Vetëvendosje në qarkun e Tiranës kërkon shpalljen e pavlefshmërisë së zgjedhjeve dhe rivotimin në të gjithë qarkun e Tiranës.
“Bazuar mbi faktet që po grumbullojmë mbi shkeljet në Qarkun Tiranë në lidhje me ankesën që do të dorëzojmë në KQZ / KAS ditën e hënë, ne kërkojmë dhe presim shpalljen e pavlefshmërisë së zgjedhjeve dhe rivotimin në të gjithë Qarkun e Tiranës”, shkruan Abazi.
