Vetëdorëzohet pas dy vitesh 28-vjeçari në Shkodër

Është vetëdorëzuar në polici pas dy vitesh i shpallur në kërkim, 28 vjeçari i dënuar me burg për shpërndarje të lëndëve narkotike.

A.B, 28-vjeç ishte shpallur në kërkim pasi më datë 15 nëntor 2017, në bashkë me katër persona të tjerë iu gjetën 70 kg lëndë narkotike Cannabis Sativa.

Në kuadër të operacionit “Ndalesa e fundit”, këtij shtetasi në bashkëpunim me shtetasit K. X., F. H., të cilët janë arrestuar gjatë operacionit, si dhe me E. X. e D. H., të cilët janë shpallur në kërkim, në afërsi të një karburanti në fshatin Grizhë, Malësi e Madhe, iu gjetën dhe sekuestruan në cilesinë e provës materiale rreth 70 kg Cannabis Sativa.