Është rikthyer në fillim puna për gjetjen e 61-vjeçarit Muharrem Plaku, i cili ka mbetur i bllokuar në një nga galeritë e zonës D në minierën e Bulqizës.

 

Burime nga grupi i kërkim-shpëtimit bëjnë të ditur se gjatë mbrëmjes së djeshme ka patur një tjetër shembje masive në thellësinë 450 metra të minierës, ku dhe dyshohet se është bllokuar tekniku 61 vjeçar.

 

Puna për gjetjen e trupit të Muharrem Plakut është zhvilluar pa ndërprerje që prej orës 9 të paradites së të mërkurës, ndërsa shpresat për ta gjetur atë gjallë janë drejt shuarjes së plotë.

 

Familjarë të Plakut vijojnë të presin pranë derës së galerisë me shpresën e gjetjes së të afërmit të tyre.

Leave a Reply

Your email address will not be published. Required fields are marked *