Lideri i Partisë Demokratike të Kosovës (PDK), Kadri Veseli, pas kthimit nga Haga, ku është intervistuar nga Specialja, u lut për sa më shumë paqe dhe qetësi për popullin e Kosovës.
Përmes një shkrimi në Facebook, Veseli pasi që falënderoi për pritjen, ka shkruar se është gjithmonë krenar me Kosovën.
“Falemnderit të gjithëve për pritjen. Gjithmonë krenar me Kosovën dhe lavdi e përjetshme Ushtrisë Çlirimtare të Kosovës”.
Ndërkohë Veseli nuk ka dhënë asnjë detaj për atë se çfarë ai ka deklaruar në Hagë.
