Shqipëria shihet si një udhëkryq i rëndësishëm për Italinë. I vetëdijshëm për këtëështë trajneri italian, Xhiampiero Ventura, i cili përpara se të nisë ashtu si homologu i tij përgatitjen për përballjen e 24 marsit, ka komentuar se çfarë përfaqëson kjo përplasje për “axurrët”.
“Kapërcimi i pengesës-Shqipëri, do tëna lejonte që më pas të luajmë gjithçka, nëndeshjen që kemi në shtëpinë e Spanjës. Por nëse nuk fitojmë tëpremten, atëherë kualifikimi direkt në Botëror do të ndërlikohej shumë”, ka pranuar tekniku i Italisë.Gjithsesi, numri 1 i stolit të të kaltërve beson që, pavarësisht se aktualisht gjendet me pikë të barabarta me Spanjën, Italia ka treguar gjithmonë veten, atëherë kur ka qenë në situata të vështira. E kështu mendon se do të ndodhë edhe në këtë rast.
Përballjes me kuqezinjtë, të kaltrit i drejtohen me disa probleme.Sikur të mos mjaftonin mungesat e mbrojtësit Xhorxhio Kielini dhe mesfushoritKlaudio Markizio për zgjedhje teknike, Ventura duhet të bëjëllogaritësë fundi pa të dëmtuarin Bernardeski të Fiorentinës, si dhe pa Manolo Gabiadini, i cili ka pësuar një problem muskulor gjatë ndeshjessë fundjavës në kampionat me Southemptonin.
Për ta zëvendësuar, tekniku ka thirrur për herë të parë Andrea Petanjan, shokun e skuadrës së Etrit Berishës tek Atalanta.Sidoqoftë, dyshja e sulmit ndaj Shqipërisë duhet të vazhdojë të jetë Beloti-Imobile.
