Kryetari i Partisë Demokratike, Sali Berisha, ka reaguar lidhur me qëndrimin e Kryeministrit Edi Rama sa i përket pezullimit të Belinda Ballukut me vendim të Gjykatës së Posaçme.
Me anë të një postimi në Facebook, Berisha pretendon se kreu i qeverisë ka gënjyer, pasi nuk ka asnjë opinion të Komisionit të Venecias sa i përket pezullimeve të ministrave nga detyra.
Berisha shprehet se pretendimet e tij janë bazuar nga përgjigjet e Diellës, dhe se kjo e fundit i ka dhënë përgjigje negative mbi ekzistencën e këtij reagimi nga Komisioni i Venecias.
Gjithashtu, kryedemokrati deklaron se Kryeministri vë nën presion Gjykatën Kushtetuese, e cila do të vendosë në datë 2 dhjetor nëse çështja e Ballukut do të kalojë ose jo për gjykim.
/vizionplus.tv
