20 shkolla 9-vjeçare dhe të mesme në vend janë vënë në fokus të projektit të ri të sigurisë “Smart City”, i cili parashikon pajisjen e tyre me kamera inteligjente.
Kamerat do të vendosen në bazë të numrit të nxënësve.
Përtej tentativës për më shumë kontroll dhe parandalim të incidenteve, vendimi ka sjellë edhe debate mbi kufijtë e privatësisë.
Një tjetër shqetësim është edhe ndikimi psikologjik që mund të ketë monitorimi i vazhdueshëm te nxënësit, duke theksuar presionin që mund të krijohet në mësimdhënie.
Edhe pse projekti vlerësohet si një hap pozitiv në drejtim të sigurisë, sipas ekspertëve nuk mund të zëvendësojë problemet themelore me të cilat përballet sistemi arsimor. Fokusi, duhet të mbetet tek edukimi dhe formimi i brezave të rinj.
I bazuar në teknologji të avancuar dhe inteligjencë artificiale, projekti synon të parandalojë konflikte dhe të rrisë efikasitetin e reagimit. Kamerat, të pajisura me inteligjencë artificiale, çojnë sinjal në autoritetet përkatëse që kanë akses në to.
Sinjali aktivizohet në raste të grumbullimeve të papritura dhe veprimeve të tjera të nxënësve si ngritja e dorës apo identifikimi i armëve të ftohta në duart e të rinjve./vizionplus.tv
