Vendimi për “Brexit” shtyhet për në tetor

Ditën e enjte ka përfunduar raundi i katërt i negociatave mes Britanisë së Madhe e Bashkimit Evropian në Bruksel. Vendimi është shtyrë për në muajin tetor, në të cilin palët duhet të vendosin nëse bisedimet për BREXIT janë zhvilluar mjaftueshëm për të kaluar në negociatat për tregti. Parlamenti evropian vlerëson se gjatë raundit të katërt të bisedimeve, nuk është arritur përparim për të drejtat e qytetarëve. Ndërkohë presidenti i Komisionit Europian Jean-Claude Juncker pranoi ecurinë pozitive midis dy palëve por do të duhej një mrekulli për nisjen e bisedimeve.