Edhe për dy vitet në vijim, naftëtarët e Ballshit do të marrin sërish pagë nga shteti. Lajmin e dha ministrja e Infrastrukturës dhe Energjisë, Belinda Balluku në Komisionin e Veprimtarisë Prodhuese.
“Naftëtarët e Ballshit do të marrin përsëri pagë nga buxheti i shtetit në vitin që vjen. Të 830 naftëtarët në kushte të papunësisë pasi nuk punon rafineria e Ballshit do i kompensojë me 300 milionë lekë, paga do të jetë 30 mijë lekë. Për të gjithë naftëtarët që nuk rifillojnë punë si në rafineri apo diku tjetër, ne si ministri do të marrim përsipër edhe financimin e tyre në vitin 2023.”
Në bazë të marrëveshjes me Edi Ramën një vit më parë, naftëtarët do të marrin 10 mijë lekë më pak krahasuar me pagën që morën deri në fund të muajit tetorit.
