Nxënësit dhe studentët në institucionet arsimore publike dhe private do të jenë pushim të mërkurën që vjen, për shkak të finales së conference league që do të mbahet më 25 maj.
Njoftimin e bëri të ditur ministrja e arsimit, sportit dhe rinisë përmes një postimi në rrjetin social facebook, ku sqaroi se në të gjitha kopshtet, shkollat dhe universitetet ne Tirane nuk do te zhvillohet mësim.
25 maji do të jetë ditë pushimi zyrtar për të gjithë administratën publike në qarkun e Tiranës.
Vendimi u mor dje në mbledhjen e qeverisë, pasi kompeticioni i uefa-s pritet të sjellë deri në 90 mijë tifozë nga vende të ndryshme.
