Gazetarja Juela Meçani e ka cilësuar një fitore të madhe rikthimin e Donald Trump në krye të Shtëpisë së Bardhë, jo vetëm për SHBA por edhe për mbarë botën.
E ftuar në studion e Quo Vadis në Vizion Plus të moderatores Pranvera Borakaj, Meçani tha se Trump tregoi me firmosjen e urdhëra ekzekutivë se e ka patur shumë seriozisht luftën e tij konservatore.
E pyetur se po në Shqipëri çfarë ndikimi do të ketë, Meçani tha se në vendin tonë do të ketë shumë më të vështirë për të ndikuar, pasi organizata Soros ëhstë infiltruar shumë thellë në shoqërinë tonë.
Pjesë nga biseda:
Borakaj: Si e shikon këtë erën e re Trump në të gjithë botën?
Meçani: Për mua ishte e pritshme. Hyj tek njerëzit që e kanë pritur këtë erë edhe në ato muajt kur u bë ndërrimi kur Biden i la karrigen Harris, edhe kur kishte një rritje të kurbës së pëlqyeshmërisë së saj, unë besoja se do të shinim një fitore plebishitare të Trump. Nuk kam gabuar në atë që mendoja. Ajo që shoh është se mesa duket bota mezi e paska pritur këtë lloj ndryshimi. Ne kemi jetuar në një epokë të liberalizmit të skajshëm, ku u përzie uji me vajin. Kemi patur një liberalizëm të majtë dhe të qendrës së djathtë, duke zhbërë çdo princip si me familjen, si me ekonominë, si me politikën, ku ishin të interesuar vetëm organizata si Soros, të cilat u infiltruan për të skllavëruar shoqërinë e mesme. Ditët e para tregojënë se Trump e paska patur shumë seriozisht luftën e tij konservatore, po ashtu ka dhe një hakmarrje të ndershme. Uroj që ky fllad ta preki dhe Ballkanin. Por Ballkani do edhe shumë punë pasi jemi qendra rajonale e Ballkanit. Infioltrimi i Soros është më i madh, do e ketë pak më të vështirë, pasi Soros është në akademi, biznes, shoqëri civile por dhe në media. Në Shqiëpri do ta ketë më të vështirë por efekti domino do të jetë edhe këtu.
