Revolucion i vërtete në ambjentin futbollistik në Iran.
Ministri i Sportit, , Masoud Soltanifar deklaroi për mediat se është vendosur që femrat do të lejohen të ndjekin ndeshje në stadium bashkë me meshkujt.
Për momentin do të lejohet hyrja e femrave në stadium vetëm në ndeshjet ndërkombëtare, ndoshta më vonë kjo mund të jetë e vlefshme për kampionatin vendas.
Një vendim i tillë vjen pas polemikave të mëdha që solli vdekja e Sahar Khodayari. Vajza në fjalë ishte aktiviste e shoqërisë civile dhe mori aktin ekstred duke I vetedjegur para një stadiumi në Teheran në shenjë kundërshtie që ajo dhe vajzat e tjera në këtë shtet nuk lejoheshin të futeshin brenda në stadium për të ndjekur ndeshje futbolli.
Fill pas kësaj ngjarje edhe vetë presidenti Hassan Rohani kishte shprehur gatishmërine që të diskutohej mbi këtë cështje por duke u përplasur në distancë me shoqërinë me shumice Shiite që është goxha konservatore.
Tashmë me këtë vendim historik, femrat në Iran mund të futen në stadium që nga ndeshja e radhës në 10 tetor që kombetarja e meshkujve do të luaje kundër Kamboxhias.
Vendimi për të mos lejuar femrat në stadium ishte ne fuqi që nga 1979 pas revolucionit islamik.
