Austria do të dhurojë edhe një milion doza vaksinash kundër koronavirusit për vendet e Ballkanit perëndimor ndërsa premtoi mbështetje të plotë për rajonin në rrugën drejt bashkimit europian.
Gjatë samitit me udhëheqësit e gjashtë shteteve në Vjenë, kancelari austriak, Sebastian Kurz përsëriti se unioni nuk do të jetë i plotë derisa të gjitha vendet e Ballkanit Perëndimor të anëtarësohen.
Ndërsa kryeministri i Maqedonisë së Veriut, Zoran Zaev deklaroi se liderët e unionit nuk duhet të vënë në rrezik, idenë europiane.
