Gjumi ka një rëndësi të veçantë në shëndetin e secilit nga ne. Herë pas here ndodh që në momente të ndryshme të gjendemi përball situatave që krijojnë vështirësi për shkak të kushteve në të cilat ndodhemi.
Ju duhen të paktën shtatë orë gjumë, për t’u ndjerë mirë dhe të plotësuar gjatë ditës. Por gjatë jetës ju keni dhe momente që ju duhet që të rrini vonë natën. Më poshtë do të lexoni katër arsyet pse duhet të zgjoheni herët në mëngjes, sipas hulumtimeve shkencore.
Më shumë pozitivitet
Ju mund të mendoni që njerëzit që zgjohen herët kanë një çehre të zymtë, por e keni gabim. Zgjimi herët karakterizon njerëzit pozitivë. Sipas një studimi, të moshuarit tregojnë më shumë pozitivistet se të rinjtë, pasi ata zgjohen herët në mëngjes. Kur ju flini herët dhe zgjoheni herët, truri qetësohet dhe stresi largohet.
Shëndeti më i mirë mendor
Kur ju merrni mjaftueshëm gjumë dhe zgjoheni herët, shëndeti mendor përmirësohet. Nga ana tjetër, një peron që rri zgjuar vonë, do vuajnë nga paqëndrueshmëria emocionale dhe gjendja depresive sa vjen dhe i rritet.
Zakone më të mira
Zgjimi herët ju ndihmon të shmangni zakone të këqija si pirja e duhanit, marrja e ilaçeve që ju bëjnë të flini, etj. Jo vetëm kjo, por duke u zgjuar herët do ndiheni më mirë, dhe nuk do keni nevojë për substanca për t’ju sjellë humorin. Sipas një studimi, adoleshentët qëndrojnë vonë natën, duke pirë alkool dhe substanca të tjera. Kjo i bën ata të sillen në mënyrë të rrezikshme.
Cilësi më e mirë gjumi
Kur flini herët në darkë, cilësia e gjumit është më e mirë. Sipas një studimi me studentë, ata që flinin herët jepnin rezultate më të mira sesa ata që flinin vonë. Kjo lidhet me cilësinë e gjumit. Një person që bën gjumë cilësor, është më i përqendruar në detyrat e dhëna.
