Takimi i parë me partnerin ka dhe një rëndësi të veçantë pasi është ai piknisja e një marrëdhënie të mirë. Në këtë takim është e rëndësishme që ju të beni kujdes në lidhje me veprimet që mund të bëni në këtë takim.
Kujdes me gjestet që mund të bëni pasi mund të keqkuptohet nga personi që keni përballë.
Gjuha e trupit jep mesazhe, për të cilat në shumë raste as nuk jemi të ndërgjegjshëm. Nëse një takim nuk ju ka shkuar mirë, atëherë me shumë mundësi “fajin” duhet ta kenë gjestet që keni bërë pa vetëdije.
Më poshtë do të lexoni disa nga veprimet me të cilat duhet të bëni kujdes dhe që nuk duhet ti bëni asnjeherë në takimin e parë.
Lëvizje të vazhdueshme
Mos lëvizni shumë pasi kjo tregon se jeni nervoz dhe nuk jeni aspak komode. Kërcitja e gishtërinjëve, tundja e këmbës, kërcitja e stilolapsit, prekja vazhdimisht e telefonit dhe gjëra të tjera si këto nuk duhet t’i bëni në asnjë mënyrë në një takim.
Gjeste të çuditshme me duart
Të ulesh mbi duart, t’i shtrëngosh apo përdredhësh duart, të hash thonjtë apo çdo gjest tjetër i çuditshëm me duart tregon nervozizëm dhe ankth, përveçse ju bën të dukeni aspak tërheqëse.
T`i mbash duart pa lëvizur
Një veprim I tillë mund të kuptohet sikur ju jeni e frikësuar nga personi që keni përballë. Nuk duhet t’I lëvizni duart gjithë kohën, por as t’I mbani ato pa lëvizur fare. Mendoni për disa pozicione duarsh me të cilat do të ndiheni komod/e dhe alternojini ere pas here.
T`I fshehësh duart poshtë tavolinës
Partneri ose personi që keni përballë mund ta lexojë si një veprim që ju po kërkoni ti fshihni diçka. Kini kujdes me mënyrën se si i mbani duart, në asnjë mënyrë nuk duhet t’i mbani poshtë tavolinës. Po ashtu, shmangni kryqëzimin e duarve dhe përdorini ato për të ilustruar fjalët.
Të mbështesësh kokën mbi duar
Njerëzit që nuk kanë vetëbesim kanë tendencën që t’i mbajnë duart te mjekra duke fshehur një pjesë të fytyrës. Për më tepër, diçka e tillë nuk duket bukur.
Të mbash pijen ose çantën para teje
Ky është një veprim sikur ju kërkoni vetëmbrojtje. Fëmijët kur kanë frikë zakonisht fshihen pas diçkaje edhe për të rriturit instinktet të çojnë drejt së njëjtës gjë.
Të mos e shohësh personin që ke përballë në sy
Mesazhi që dërgoni: Nuk mund të më zësh besë/ Nuk më pëlqen ti.
Të mbash dorën para gojës
Është një veprim që tregon sikur ju keni dicka në mendje por që nuk doni ta shprehni.