Autobusët urbanë duket se tashmë do të kenë të gjithë një stacion të përbashkët dhe ai është caktuar që të jetë pas Pallatit të Kulturës.
Bashkia e Tiranës ka vazhduar punën për të hequr abjektin e panevojshëm që ndodhet pranë sheshit “Skënderbej” për t’i hapur rrugë projektit të ri. Ka qene vetë kryebashkiaku Erion Veliaj, i cili e ka bërë të ditur këtë lajm për të gjithë, përmes një postimi në Facebook.
Aksioni i bashkisë ka filluar me prishjen e karakatinës së fundit, që shërbente si bar dhe bingo.
“Çibani i fundit! Kur Edi Rama nisi pastrimin e Tiranës, qendra e kryeqytetit, Lana dhe Parku Rinia kishin 1,000 + ndërtime pa leje! Pas 15 viteve pastrim (pa mandatin e gjumit) sot largohet dhe karakatina e fundit nga Sheshi “Skënderbej” për t’i hapur rrugë stacionit të autobusit”.