Jo vetëm si pika lidhëse e qendrës dhe e shëtitjeve te pasdites, por sheshi “Skënderbej” është kthyer edhe vendi i aktiviteteve kulturore. Qytetare te shumte kane ndjekur nje nga shfaqet me te njohura ne bote, atë qe njihet si teatri i rrugës “Mobile Homme”.
Kreu i bashkisë vlerësoi mbështetjen e ambasadës franceze si dhurate për fëmijët e kryeqytetit.
“Jam shumë i lumtur që, në fakt, Tiranës nuk i kanë munguar aktivitetet gjatë gjithë verës, por sidomos edhe tani në vjeshtë. Dua të falenderoj shumë kolegët e Ambasadës franceze, ambasadoren Christine Vasak që bashkëpunoi për të na sjellë një shije të veçantë të Francës, diçka jo klasike sportive, por mbi të gjitha një dhuratë për fëmijët e Tiranës; besoj se për fëmijët e Tiranës më e mira është gjithmonë përpara”.
Erion Veliaj deklaroi se transformimi i qendrës e ka kthyer sheshin ne një nga hapësirat me te frekuentuara te Tiranës.
“Për të gjithë ata që mendonin se sheshi “Skëndërbej” ishte shumë i madh dhe nuk do mbushej kurrë, ja ku është sot, plot me fëmijë, plot hare, plot gëzim; unë besoj se e gjithë e ardhmja e Tiranës do të jetë plot gëzim. Kështu që, shumë faleminderit miqve francezë dhe mezi pres të bëjmë akoma më shumë gjëra të bukura bashkë”, u shpreh Veliaj.
Pjese e spektaklit ishte trupa e Cirkut Kombëtar si dhe banda e qytetit