Veliaj: Punë, jo shpifje

Kreu i bashkisë së Tiranës, Erion Veliaj ka inspektuar këtë të shtunë përfundimin e punimeve në rrugën “Kujtim Laro” në njësinë 3, ku jetojnë rreth një mijë familje. Veliaj tha se fokusi i bashkisë është puna në terren dhe jo shpifjet e politikës. Kryebashkiaku i Tiranës u ka kërkuar ndjesë qytetarëve për trafikun e krijuar për shkak të rikonstruksionit të rrugëve, por thotë se qyteti do të jetë më i mirë kur këto punë të mbarojnë. Rruga “Kujtim Laro” ka një gjatësi prej rreth 330 m dhe investimi i bërë ka mundësuar rregullimin e asfaltit, trotuareve, shtrimin e rrjetit të kanalizimeve për ujërat e bardha, ndriçimin e rrugës si dhe vendosjen e sinjalistikës.