Kandidati socialist për kryetar bashkie në Tiranë Erion Veliaj është i bindur se zgjedhjet lokale do të mbahen me datë 30 qershor. Nga Baldushku, ku ka vijuar turin e takimeve me banorët, Veliaj reagoi edhe për vendimin e presidentit për të anuluar zgjedhjet.
Një ditë pas protestës së opozitës, Veliaj e ka konsideruar atë të financuar nga Rusia, ndërsa u bëri thirrje pjesëmarrësve të heqin dorë nga këto bindje dhe të zgjedhin drejtësinë.
Duke bërë një analizë të bashkive me përfaqësues të djathtë Veliaj shprehu bindjen se në zgjedhjet e 30 qershorit edhe Shkodra e Kamza do të fitohen nga PS.
Ndonëse në këshill bashkiak u miratua fondi prej 10 milion lekësh për banorët e Floqit, Erion veliaj u shpreh se fondi i dhënë për fushatë nga KQZ do të jetë në shërbim të banorëve të këtij fshati që të rimëkëmben nga pasojat e tërmetit.
