Është mbledhur pasditen e kësaj të diele Shtabi i Emergjencave Civile të Tiranës ku në fokus ka qenë tërmeti me magnitutë 5.8 të shkallës Rihter që goditi kryeqytetin një ditë më parë.
Kryebashkiaku Erion Veliaj deklaroi se në lidhje me ëktë rast duhet të merren masa të menjëhershme. Ai u kërkoi të gjithë këshilltarëve që të zbresin në terren dhe të ndihmojnë qytetarët.
“Këshilltarët duhet të zbresin në terren për të ndihmuar qytetarët. Nga të gjithë kërkoj raportim për atë që ka ndodhur dhe si është situata në terren nga tërmeti. Në çdo njësi administrative kemi stafe në terren. Nga raportimet që mora, mora vesh që në disa vende ka shumë çadra dhe në disa nuk ka fare.”
Kryebashkiaku urdhëroi gjithashtu ngritjen e grupeve të punës për vlerësimin e dëmeve.
“Do të duhet të vlerësojmë se cilat familje kanë nevojë më shumë dhe cilat nga ta kanë nevojë për një ndihmë afatgjatë. Nëse një familje ka shumë persona, atëherë kanë nevojë më tepër nevojë.”
