Kreu i Bashkisë së Tiranës Erjon Veliaj ka mbështetur nismën e qeverisë për të zhvendosur dhe mbyllur kazinotë dhe bastet sportive. Sipas tij, kjo industri qarkullon para më shumë së sa është buxheti i bashkisë së kryeqytetit. Ndaj dhe ky fenomen duhet eliminuar me qëllim që të mbeten më shumë para në duart e qytetarëve.
Por për kreun e bashkisë ky ndoshta nuk është lajm i mirë për lojtarët meshkuj, por sipas tij, efektet pozitive do të ndjehen më pas në buxhetet familjare, ku nisma të zbatohet.
Këto deklarata kryebashkiaku i bëri teksa prezantoi projektbuxhetin e bashkisë në njësinë numër 4 në Tiranë.
