Bashkia e Tiranës është duke vijuar punën për rikualifikimin e blloqeve të banimit në kryeqytet. Erion Veliaj inspektoi ecurinë e punimeve ne Laprake investimit ne ketë lagje ishte një premtim i mbajtur për qytetarët.
“Jam jashtëzakonisht i kënaqur nga mënyra se si kanë ecur punimet në këtë zonë me rrugët “Marubi”, “Bruzi” dhe rrugicat që i lidhin ato. Mbaj mend se kam qenë ekzaktësisht përpara 3 vitesh këtu, në një familje këtu afër, të cilët më thanë: “Kryetar, do të votojmë për ty, por rrugës tonë s’ka për t’i ardhur radha në mandatin e parë”. Ende s’ka mbaruar mandati i parë, jemi në vitin e 3-të dhe po mbajmë premtimet që kemi dhënë në fushatë, për t’u siguruar se bëjmë gjithçka kemi premtuar. Përkundrazi, u bë jo vetëm rruga që u premtua, por i gjithë blloku”
Veliaj vlerësoi edhe bashkëpunimin mes Qeverisë dhe Pushtetit Lokal.
“Qeveria ‘Rama’ dhe kjo bashki do të mbahen mend për faktin që kanë thyer rekord: njëra për legalizimet, tjetra për urbanizimet. Filozofia jonë është: qeveria është një hap përpara me legalizimet, pra u bën letrat dhe u jep të drejtën e pronësisë kujtdo që ka vendosur të vendoset në Tiranë, ndërkohë më pas vjen bashkia për të urbanizuar zonën. Them se të dyja palët, qeveri-bashki, kemi arritur një histori suksesi. Ndaj, besoj sot kjo lagje ngryset me një vlerë më të madhe”
Kreu i Bashkisë së Tiranës bëri të ditur se punimet do te vijojnë me intensitet në shumë zona të kryeqytetit gjatë sezonit turistik, duke përfituar edhe nga largimi i qytetarëve për pushime.
