Veliaj i jep “çelësin e Tiranës” Robert Malcolm

Bashkia e Tiranës ka nderuar gazetarin, historianin dhe akademikun anglez, Sir Noel Robert Malcolm, me “çelësin e qytetit” për kontributin që ka dhënë me studimet e tij për historinë e Shqipërisë dhe shqiptarëve. Ka qenë vetë kryetrari i bashkisë Erjon Veliaj, që i ka dorëzuar çelësin, si dhe i ka shprehur mirënjohjen për trajtimin që i ka bërë historisë në librat e tij. Profesori Noel Malcolm është gazetar politik, historian dhe akademik. Ai mori titullin “sir” për shërbime ndaj akademisë, gazetarisë dhe historisë europiane. Dy librat më të rëndësishëm për rajonin janë “Bosnja nje histori e shkurtër” dhe “Kosova, histori e shkurtër”. Libri i tij i fundit titullohet “Agjentët perandorakë”, i cili ka në qendër dy familje shqiptare nga Ulqini.