Kandidati i “Bashkë Fitojmë” për Bashkinë e Rrogozhinës, Shkëlqim Hoxha, u bën thirrje qytetarëve që të marrin pjesë në zgjedhje.
‘Të vijnë sa më shumë në votime të votojnë në mënyrë të lirë dhe demokratike dhe të bëjnë zgjedhjen e tyre më të mirë. Do të ketë edhe më shumë se herën e parë. E kam sqaruar janë mashtrime të pastra të Erion Veliajt! Erioni është mësuar me fiq dhe me demagogji, por nuk i ec në Rrogozhinë. Në Rrogozhinë do të marrë përgjigjen që nuk i dha Belind Këlliçi në Tiranë“, tha Hoxha.
Ditën e sotme rreth 33 mijë qytetarë të Rrogozhinës kanë të drejtën e votës. Procesi i votimit është hapur që prej orës 07:00 të mëngjesit të sotëm dhe pritet të mbyllet deri në orën 19:00.
