Koronavirusi ka shënuar vdekjen e parë ne kontinentin Europian. Lajmi është bërë i ditur nga ministrja e shëndetësisë së Francës Agnès Buzyn.
AGNÈS BUZYN
MINISTRE E SHENDETESISE FRANCE
“Mëngjesin e djeshëm mora lajmin për vdekjen e një turisti që po kurohej në një nga spitalet tona. Kjo është vdekja e parë që shënohet nga koronavirusi në Europë.”
Viktima ishte një turiste kineze, 80 vjeçe, nga provinca Hubei e Kinës.
Ajo ka qëndruar në Francë në 16 janar dhe pas shfaqjes së shenjave të para të koronavirusit, u vendos në karantinë në spitalin e Parisit më 25 janar.
Vdekja e turistes kineze është e para jashtë territorit të Azisë, e katërta pas 3 të tjerave të raportuara në Hong Kong, Filipine dhe Japoni.
Në Francë janë aktualisht 11 raste të konfirmuara me koronavirus, 6 prej të cilëve janë nën kujdes intensiv.
