Vdes teksa punonte në arë 60-vjeçari në Kavajë

Një 60-vjeçar ka ndërruar jetë në Kavajë pasi është dëmtuar gjatë punës nga freza teksa punonte në tokën e tij. Ai është dërguar me urgjencë në spital, por ka ndërruar jetë.

“Rreth orës 11:55, teksa punonte në banesën e tij, në Rrogozhinë, dyshohet se është dëmtuar aksidentalisht me mjetin e punës (frezë), shtetasi B. T., 60 vjeç. Nga dëmtimet, 60-vjeçari ka humbur jetën”, njofton policia. /vizionplus.tv