Diplomati japonez që drejtoi Agjencinë Ndërkombëtare të Energjisë Atomike (IAEA), Yukiya Amano ka ndërruar jetë në moshën 72 vjeçare.
Amano, i cili kishte eksperiencë të gjatë në çarmatimin, diplomaci dhe energjinë bërthamore, ishte shefi i agjencisë kryesore të Kombeve të Bashkuara që rregullon çështjet bërthamore në mbarë botën që nga viti 2009.
Lajmi për humbjen e tij është konfirmuar nga Sekretariati i Agjencisë Ndërkombëtare të Energjisë Atomike.
“Sekretariati i Agjencisë Ndërkombëtare të Energjisë Atomike me keqardhje me dhe me trishtim më të thellë njofton vdekjen e Drejtorit të Përgjithshëm Yukiya Amano.”
Ndërkohë në lidhje me shkakun e vdekjes nuk ka asnjë informacion.
