Vdes një 52 vjeçar, Kosova regjistron 36 viktima nga koronavirusi

Një 52-vjeçar i infektuar me koronavirus, ka vdekur në Klinikën Infektive të Qendrën Klinike Universitare.

Në njoftimin e QKUK-së, thuhet se pacienti me inicialet E.K nga Komuna e Rahovecit ka vdekur në orët e mëngjesit të së shtunës.

Që prej shfaqjes së rasteve të para me koronavirus, në Kosovë kanë vdekur 36 pacientë me sëmundjen Covid-19, që e shkakton ky virus.

Sipas të dhënave të fundit, numri i përgjithshëm i rasteve me koronavirus në Kosovë është 2,073, prej tyre 1,018 pacientë janë shëruar./R.E.L