Nderron jetë një gazetar ukrainas I cili I ishte bashkuar ushtrisë së vendit të tij në luftën kundër Rusisë.
Viktima është Oleksandr Makhov, gazetar i kanaleve televizive Dom dhe Ukraina 24 dhe ushtar i forcave të armatosura të Ukrainës.
Lajmi u konfirmua nga Ukrinform, që postoi një foto të gazetarit të veshur me rroba ushtrie duke sjellë në vemendje se Makhov ishte “një gazetar i talentuar që kishte vendosur të zgjidhte mbrojtjen e atdheut”.
Zëdhënësi i administratës së Odessa Sergey Bratchuk gjithashtu bëri një postim në Telegram në kujtim të Makhov.
