Vdes në moshën 67 vjecare Nehat Kulla, një nga personazhet famëkeq të 1997 në Tiranë.
“Gjenerali”, nofka me të cilën ai njihej, vdiq në banesën e tij. Dyshohet se ai ka pësuar trombozë në mushkëri.
I forti i Tiranës, i cili bazën e tij e kishte në Kinostudio dhe Tufinë kishte lënë burgun vetëm pak kohë më parë.
Nehat Kulla dhe banda e tij u bënë të njohur në atë kohë sidomos pasi arritën të ruanin të paprekur nga trazirat repartin e xhenios.
Megjithatë banda e tij kreu shumë krime dhe vrasje, ndërsa vetë “Gjenerali” u akuzua dhe u dënua për vrasjen e Halim Gjuzit, shofer I ish z.v./ministrit të Arsimit në atë kohë, Halit Shamati.
Për këtë vrasje Kulla kreu 20 vite burg.
Për familjen Kulla kjo ishte ngjarja e dytë e rëndë brenda një kohe të shkurtër, pasi pak javë më parë i kishte vdekur edhe vëllai si pasojë e koronavirusit.
