Nje 70-vjeçar qe po udhëtonte me motoçiklete, se bashku me mbesën e tij 16-vjeçare, ka humbur kontrollin dhe ka rene ne lumin Gjader. Vlash Lufi ka gjetur vdekjen, ndërsa e reja është nxjerre nga lumi nga kalimtaret, te cilët e kane transportuar atë drejt spitalit rajonal te Lezhës, ku ka marre ndihmën e pare. Shërbimet policore dhe banoret e fshatit bene te mundur nxjerrjen e trupit te pajete te te moshuarit, 400 metra larg nga vendi i ngjarjes. Sipas hetimeve paraprake dyshohet se shkak i aksidentit është humbja e kontrollit nga ana e drejtuesit te motoçikletës. Megjithatë, vlen te theksohet fakti se ura ku ndodhi aksidenti, është jashtë çdo parametri, pasi mungojnë mbrojtëset anësore.
