Drejtuesi teknik dhe brigadieri i minierës në Bulqizë janë arrestuar nga policia, pas vdekjes së minatorit.
Sipas bluve, dy të arrestuarit nuk kanë ushtruar kontrollet e duhura për sigurimin e jetës së punonjësve.
Në pranga kanë rënë shtetasit me inisiale F. H., 50 vjeç, banues në Bulqizë, me detyrë Drejtues teknik i një subjekti minerar dhe B. T., 44 vjeç, banues në Bulqizë, me detyrë brigadier.
Njoftimi i policisë:
Nga Specialistët për Hetimin e Krimit në Komisariatin e Policisë Bulqizë, u arrestuan në flagrancë shtetasit :
F.H., 50 vjeç, banues në Bulqizë, me detyrë Drejtues teknik i një subjekti minerar,
B.T., 44 vjeç, banues në Bulqizë, me detyrë brigadier.
Arrestimi i tyre u bë pasi, nuk kanë marrë masa për zbatimin e sigurisë e të mbrojtjes së jetës e të shëndetit të punonjësve, si dhe nuk kanë ushtruar kontrolle për të siguruar vendin e punës, ku si pasojë në galerinë nr16, u aksidentua me pasojë vdekjen shtetasi K. L., 52 vjeç, që mbante detyrën e zjarrmëtarit.