Pas ngjarjes tragjike të ndodhur dje në një subjekt minerar në Bulqizë, ku humbi jetën shtetasi F. Sh., 66 vjeç, Policia ka arrestuar në flagrancë pesë punonjës të stafit teknik të minierës.
Sipas njoftimit zyrtar, vdekja dyshohet të ketë ndodhur si pasojë e rënies së një masivi shkëmbor gjatë punës në galeri. Hetimet paraprake tregojnë se personat e arrestuar nuk kishin marrë masat e nevojshme për garantimin e kushteve të sigurisë teknike në vendin e punës.
Të arrestuarit janë:
- Nj. P., 46 vjeç
- B. Ç., 68 vjeç
- F. T., 61 vjeç
- E. K., 35 vjeç
- E. Xh., 51 vjeç
Të gjithë janë pjesë e stafit teknik të subjektit minerar ku ndodhi aksidenti.
Materialet procedurale i janë referuar Prokurorisë së Dibrës, për veprime të mëtejshme nën akuzën e “Shkeljes së rregullave të mbrojtjes në punë”, me pasojë vdekjen.
Ngjarja ka rikthyer vëmendjen mbi kushtet e sigurisë në minierat e Bulqizës, një zonë me histori të gjatë aksidentesh në aktivitetet minerare.
/vizionplus.tv
