Drejtuesja e LSI, Monika Kryemadhi i ka shprehur ngushëllime familjes së efektives Zarife Hasanaj qëhumbi jetën këtë të hënë gjatë misioni në Letoni.

 

Në një postim në “Facebook”, Kryemadhi e cilëson nëntetaren Hasanaj si një engjëll shqiptar të paqes dhe dëshmore të kombit në panteonin e dëshmorëve të NATO.

 

Kryemadhi uron gjithashtu shërim të shpejt edhe për dy efektivët e tjerë të plagosur.

 

“Me peshën e dhimbjes sa një mal, mësova lajmin tragjik të ndarjes nga jeta të Zarife Hasanajt, vajzës me uniformën e shenjtë të ushtarakut shqiptar, dhe të plagosjes së major Klodian Tanushit dhe rreshter Julian Kapaj, teksa shërbenin në kuadër të misionit të NATO-s në Letoni! Duke u bashkuar me dhimbjen e familjes së Zarifes, por edhe me dhembjen e të gjithë Forcave tona të Armatosura, iu shpreh atyre ngushëllimet e zemrës e të shpirtit si nënë e si grua, e lutem që Zoti t’iu japë forcë ta përballojnë dhimbjen e madhe për humbjen vajzës së tyre, e cila me aktin e vet heroik të rënies në krye të detyrës nën flamurin shqiptar në përbërje të forcave të NATO-s, bëhet engjëlli shqiptar i paqes dhe dëshmorja e kombit shqiptar në panteonin e dëshmorëve të NATO-s, duke na dëshmuar të gjithëve se edhe mbrojtja e paqes kalon përmes sakrificash sublime! Lutem për të e shpirtin e saj. U prehtë në paqe e i ndrittë shpirti! Lutem edhe për dy ushtarakët e tjerë të plagosur që të shërohen sa më shpejt e të kthehen shëndoshë e mirë pranë familjeve të tyre! Shqipëria e të gjithë ne bashkë me dhimbjen, ndjejmë krenarinë që i japin flamurit tonë kombëtar dhe emrit të Shqipërisë bijat e bijtë e rritur me dashurinë për atdhe e pēr flamur! Zoti i bekoftë!”

Leave a Reply

Your email address will not be published. Required fields are marked *