Forcat ushtarake irakiane vazhdojnë ofensivën per çlirimin e qytetit te Mosulit nga Shteti Islamik, por zhvillimi i operacionit ka shtuar shqetësimin per fatin e civileve. SHBA kane akuzuar ISIS se po i përdor ata si mburoja njerëzore. Ndërsa Organizata Ndërkombëtare per Migracionin thotë se ISIS mund te përdore edhe arme kimike kundër tyre. Kete shqetësim ndane edhe disa banore te Mosulit, qe me telefon i thane agjencisë se lajmeve Reuters se ISIS po i drejton ne ndërtesa qe ka gjasa te shenjestrohen nga sulmet ajrore te forcave te koalicionit ndërkombëtar. Megjithatë, grupi i pare prej 900 personash ka mundur te largohet nga Mosuli drejt Sirisë, sipas agjencisë se OKB per refugjatet dhe aktualisht po strehohet ne nje kamp refugjatesh. Kjo agjenci po punon per ngritjen e qendrave jashtë Mosulit, ku do te vendosen banoret qe i largohen luftimeve. Sipas parashikimeve, 200 mije njerëz mund te kërkojnë strehim ne javet e para te operacionit. Ne Mosul gjenden rreth 5 mije xhihadiste qe luftojnë me trupat irakiane, kurdet peshmerga dhe paraushtaraket shiite, te cilët kane përparuar nga jugu dhe lindja dhe i janë afruar qytetit. Deri tani janë çliruar 10 fshatra.
Vazhdon beteja për Mosulin
