Nënkryetari i LSI, Petrit Vasili nuk i ka kursyer akuzat për kryeministrin Edi Rama as këtë të premte. Me anë të një postimi në rrjetet sociale, Vasili i kërkoi kreut të qeverisë që të lërë propagandën dhe të kryejë më shumë testime.
“Mos vazhdo t’i gënjesh me shtetrrethim dhe izolim antishkencë, por bëj testime. Rruga që Organizata Botërore e Shëndetësisë kërkon është bëj testime. Edi fute në kokë, testim do të thotë: Të vesh diagnozën për qytetaret e prekur; Të mbrosh qytetarët e tjerë nga prekja; Të marrësh masa të vërteta dhe me vlerë për kufizimin e infeksionit; Të parashikosh kapacitet e spitaleve për të sëmurët rëndë. Të parashikosh ecurinë dhe mundësinë e daljes nga pandemia; Të kufizosh dëmin shëndetësor dhe atë ekonomik.”
Sipas Vasilit, për sa kohë që nuk ka testime masive, çdo gjë që thuhet për luftën me koronavirusin është e kotë.
“Edi pa testim çdo fjalë e jotja është thjesht gënjeshtër, është të flasësh kodra mbas bregut, është antishkencë. Boll bëre xherahun. Edi, ti flet për pandeminë si parashikues horoskopi.”
