Nënkryetari i LSI, Petrit Vasili deklaroi këtë të hënë se testimet për koronavirusin janë ulur me 45%.
Me anë të një postimi në “Facebook”, Vasili bën me faj qeverinë për këtë. Sipas tij, mazhoranca socialiste po fsheh të vërtetën.
“E pabesueshme, testimet për COVID ulen me 45%! Ulja e pabesueshme e testimeve plot 45%.
Në 17 dhjetor u kryen 2.745 testime. Ndërsa sot vetëm 10 ditë më vonë vetëm 1.508 testime. Qeveria thotë që muajt e dimrit do të jenë më të vështirët përsa i përket pandemisë, ndërsa qeveria ul në mënyrë drastike testimet. T’i largohesh të vërtetës kur bëhet fjalë për shëndetin e qytetarëve është krim. Sot ishin vetëm 318 raste të reja, por vdekjet janë tepër të larta, plot 11, një provë që testimet e ulura fshehin të vërtetën. Në mungesë edhe të vaksinimit, qeveria mjerisht dhe mizorisht po e bën këtë dhe po e fsheh të vërtetën në dëm të njerëzve. Kjo strategji tribale antinjerëzore është faj penal dhe turp.”
