Gjykata e Larte ishte shansi i fundit për te bere drejtësi per 21 janarin. Por ky institucion i ka thëne jo rekursit te Prokurorisë se Përgjithshme, duke varrosur kështu përfundimisht dosjen per vrasjen e katër qytetareve ne bulevard. Organi qendror i akuzës kërkoi deri në shkallën e tretë dënimin me 25 vjet burg për ish-gardistin Agim Llupon dhe ish-komandantin e Gardës, Ndrea Prendi. Tashmë ky proces konsiderohet i mbyllur në drejtësinë shqiptare dhe e vetmja hapësirë ligjore mbetet dërgimi i çështjes në Strasburg. Kërkesa e Prokurorisë se Përgjithshme u zvarrit për plot 3 vjet teksa qëndroi në dhomën e këshillimit. Vendimi u dorëzua i zbardhur në sekretarinë e Gjykatës. Vendimi është marre nga kolegji penal, ku kryesues ishte Edmond Islamaj, ndërsa anëtarë, Shkëlzen Selimi, Aleksandër Muskaj, Guxim Zenelaj dhe Artan Zeneli. Kjo trup gjyqtarësh ka lënë kështu në fuqi vendimin e Gjykatës së Apelit Tiranë në vitin 2013, e cila dënoi me 1 vit burg ish-komandantin e Gardës, Ndrea Prendi dhe me tre vjet burgim ish-gardistin Agim Llupo, ndërsa ish-shoferi i Prendit, Margarit Kume u shpall i pafajshëm. Prokuroria e argumentoi rekursin me prova e fakte te reja qe sipas saj kishin dale ne drite për “vrasjen me dashje te Faik Myrtajt, Hekuran Dedes, Ziver Veizit dhe Aleks Nikës. Pavarësisht vendimit te se premtes për mospranim të Dosjes së 21 janarit, Ana Veizi, vajza e protestuesit të vrarë para kryeministrisë Ziver Veizi, e ka dërguar çështjen deri në gjykatën e Strasburgut. Gjykata Europiane e te Drejtave te Njeriut ka kërkuar nga autoritetet shqiptare dokumentacionin e hetimit dhe gjykimit te çështjes ne te gjitha shkallet.
