Komisioneri për Zgjerimin e BE, Oliver Varhelyi ka bërë me dije se këtë të enjtë ka zhvilluar një bisedë telefonike me kryedemokratin Lulzim Basha.
Npërmjet një postimi në “Twitter”, Varhelyi thekosi se reforma zgjedhore duhet të përmbyllet pa vonesë dhe në përputhje me rekomandimet e marsit.
Ai theksoi se përfundimi i kësaj reforme është thelbësore për rrugën e Shqipërisë drejt BE-së.
“Bisedova me Lulzim Bashën sot, duke mirëpritur rifillimin e punës ndër-partiake për Reformën Zgjedhore në Këshillin Politik. Thelbësore për Shqipërinë dhe rrugën e saj drejt BE është që kjo reformë e rëndësishme të përmbyllet pa vonesë të mëtejshme, në përputhje me rekomandimet e marsit Këshillit të Europës”.
