Kjo mbrëmje nuk do të jetë festive për të gjithë.
Një zjarr pak kohë më parë do t’i merrte familjes Nergjoni nga fshati Bujqës i Elbasanit të vetmen pronë që ta kishin, shtëpinë.
Falë bamirësisë familjes prej 6 antërësh iu mundësua ndërtimi i dy dhomave, por edhe ato janë në kushte të mjerueshme. Nëna e familjes tregon se nuk kanë asnjë të ardhur veç kempit që merr djali i saj i madh, pasi vuan nga një sëmundje e rëndë (Epilepsia).
Për të, nëse kanë bukë është festë, e përsa i përket tryezës festive, duket se do mbetet një ëndërr.
Çifti i bashkëshortëve ka 4 djem, më i madhi prej tyre vuan nga një sëmundje e rëndë dhe ka nevojë për ndihmë të vazhdueshme mjekësore, e ndërsa më i vogli prej tyre shprehet se dëshira e tij më e madhe ishte një kostum babagjyshi.
Sonte kjo familje do ta kalojë mes të ftohtit dhe me një tryezë të varfër.