Ish-kryebashkiaku i bashkisë Durrës, Vangjush Dako, u paraqit sot në seancë për të marrë pjesë në gjyqin që rëndon ndaj tij. Vangjush Dako akuzohet për shpërdorim detyre.
Dako ishte i pranishëm në seancë sot, por ajo u shty nga gjykata e posaçme. Kjo e fundit kërkoi kohë pasi dëgjoi argumentet e mbrojtjes, të prokurorisë.
Lexo edhe :
Related Posts
Vizion Plus mëson se më datë 17 Prill gjykata e Posaçme do të vendosë nëse dosja e Vangjush Dakos do të kalojë ose jo për gjykim në themel.
Pas daljes nga gjykata Vangush Dako u pyet nga gazetarët lidhur me gjyqin, por ai preferoi të mos bëjë asnjë prenoncim për mediat.
Vangjush Dako, u mor i pandehur për shpërdorim detyre në bashkëpunim në dy raste. SPAK thotë se momenti i parë që Vangjush Dako ka abuzuar me postin e kryetarit ka të bëjë me dhënien e një lejeje për ndërtimin e një pallati shumëkatësh në vitin 2014, dy vjet pasi ai ishte ngritur.
Rasti i dytë që çoi në prangosjen e ish- kryetarit të bashkisë së dytë më të madhe në vend, lidhet me procedurat e prokurimit te investimit ne shëtitoren e Durrësit në vitin 2014. Për të SPAK thotë bashkia kishte një fond limit prej 21 milionë lekësh.
Ndonëse, Kontrolli i Lartë i Shtetit, i bëri të ditur Bashkisë se Durrësit në vitin 2015 se është bërë një gabim në përllogaritjen e shumës që Komisioni Kontraktor kishte bërë, në mënyrë që të rikuperohej dëmi ekonomik, faturat vijuan të paguhen./vizionplus.tv
