I ftuar në “Zgjedhje 2021”, Vangjel Dule deklaroi se do të shkëputej nga aleanca me Partinë Demokratike nëse kjo e fundit nuk punon për integrimin e vendit.
Kandidati për deputet theksoi se PBDNJ jeton politikisht me këtë ëndërr.
“Ka një rast që ne mos të mbështesim Lulzim Bashën dhe qeverinë e tij. Nësë nuk është qartësisht i pozicionuar në mënyrë të efektshme në procesin e integrimit të vendit. PBDNJ jeton politiksht me këtë ëndërr. Nëse kjo ëndërr cënohet, nuk ka pse të ekzistojë PBDNJ dhe as koalicioni.”
Ndër të tjera, Dule rrëzoi edhe çdo mundësi të bashkimit të opozitës me Ramën.
“Nuk ka asnjë shans! Mund të jepni një shkallë për qindjeje tek individë të tjerë, apo politikanë të tjerë, që mund të bëjnë një lëvizje të tillë, por në rastin tim është minus, është nën zero një mundësi e tillë.”
