Partia Bashkimi për të Drejtat e Njeriut është drejt afrimit me opozitën. Mesditën e se martës, kryetari i saj, Vangjel Dule, ka zhvilluar nje takim me kreun e PD Lulzim Basha. Vizion Plus ka arritur t’i shkëpusë nje prononcim te shkurtër, ku ai konfirmon se është diskutuar për tema politike. Edhe pse kjo eshte hera e pare qe Dule hyn ne seline e PD, bashkëpunimi me te djathtën ka qene prezent edhe ne zgjedhjet lokale te 2015. Ne qershorin e vitit te kaluar demokratet tërhoqën 2 dite para zgjedhjeve kandidatin e tyre ne Finiq per te forcuar kandidatin e PBDNJ, ndërsa vete Dule shpalli se ne Sarande forca e drejtuar prej tij do te votonte per kandidatin e PD.
Prej muajsh marrëdhëniet mes PDBDNJ-se dhe Partisë Socialiste, nuk jane te mira dhe krisja nisi ne momentin kur partia qe mbron interesat e komunitetit çam u be pjese e qeverisjes dhe Shpetim Idrizit u zgjodh ne postin e nënkryetarit te kuvendit çka u pasua nga dorëheqja e Vangjel Dules nga numri dy i parlamentit. Nje tjeter takim qe Lulzim Basha zhvilloi ne zyrën e tij ne parti ishte dhe ai me kryerepublikanin Mediu, nje takim rutine ky pasi PR mbetet aleati me i ngushte i demokrateve. Pas aleateve, Basha ka mbledhur krenaret e degëve per te përgatitur protestat qe opozita do te zhvilloje ne te gjithë Shqipërinë. Përveç tubimeve, opozita ka planifikuar edhe takime me qytetaret per t’iu sqaruar atyre edhe platformën e saj per vendin.
