Pas masakrës ne aeroportin e Stambollit forcat turke te sigurisë kane kryer operacione ne ketë qytet dhe ne Izmir, ne zona ku besohet se gjenden celula te Shtetit Islamik.
Autorët e sulmit në aeroportin e Stambollit mund të jenë dhe nga vendet e ish-Bashkimit Sovjetik. Policia turke zgjeron pistat e hetimit pasi, krahas militanteve te ISIS, ka të dhëna se tre kamikazët mund të jenë nga Uzbekistani e Kirgistani dhe nje i trete çeçen. Megjithatë te dhënat, nuk janë të konfirmuara.
Nderkohe shefi i CIA-s, John Brennan tha se sulmi mban vulen e ISIS. Ai ka pranuar se lufta kunder xhihadisteve do te jete e gjate, veçanërisht per shkak te aftesive te tyre per te nxitur grupe apo persona te gatshëm te kryejnë sulme kundër perëndimit.
Me heret pas masakrës, forcat turke te sigurisë kane kryer operacione ne kete qytet dhe ne Izmir, ne zona ku besohet se gjenden celula te Shtetit Islamik. 13 persona mes te cileve edhe tre shtetas te huaj jane arrestuar oret e para te mëngjesit ne lidhje me shpërthimet e se martes. Njësite antiterrorizëm te drejtuara nga forca speciale bastisen disa lagje, ku jetojne kryesisht persona me te ardhura te ulta. Disa prej te arrestuarve ne kater lagje te Izmirit besohet te kene pasur kontakte me pjesëtare te shtetit islamik ne Siri. Ata akuzohen per rekrutim, financim dhe mbështetje logjistike per xhihadistet.
