Nga e hëna në universitetet e vendit do të nis një fushatë e hapur për vaksinimin e studentëve.
Ministrja Manastirliu ftoi të gjithë të rinjtë që të marrin dozën e injeksionit dhe të mos hezitojnë me qëllim zhvillimin e mësimit në auditor.
OGERTA MANASTIRLIU
MINISTRE E SHENDETESISE DHE MBROJTJES SOCIALE
“Do të nisim të hënën një tjetër aksion, do të jemi në terren në çdo universitet, për vaksinimin masiv të studentëve, si domosdoshmëri për të garantuar mbarëvajtjen e vitit të ri akademik që është në prag”
Angazhim për qeverinë mbetet dhe vaksinimi masiv i popullsisë brenda pranverës të vitit që vjen.
Do të kërkoja angazhimin tuaj në territor, si drejtues vendorë dhe që keni një lidhje të fortë me komunitetet tuaja, që bashkë me ekipin e shëndetësisë, të shkojmë derë më derë, në çdo fshat, në çdo shtëpi, për t’i dhënë mundësi çdo qytetari të mbrohet duke u vaksinuar. Ky nuk është një aksion i zakonshëm, është një aksion në emër të jetës. Ne do të garantojmë përmes një plani të mirëorganizuar, vaksinimin derë më derë, me njësitë e lëvizshme, me strukturat tona në territor.
Deklaratat ministrja Manastirliu i beri pas një takimi që zhvilloi me qendrat shëndetësore dhe përfaqësuesit e njësive vendore në Bashkinë e Fierit.
