Organizata Botërore e Shëndetësisë konfirmon se të gjithë vaksinat kundër koronavirusit që janë aprovuara, janë efektive kundër “të gjitha varianteve të virusit”.
Pavarësisht situatës pandemike, drejtori i OBSH-së për Evropën, Hans Kluge kërkoi që të shmangen udhëtimet ndërkombëtare, me argumentin se kërcënimi ende ekziston, sidomos kur bëhet fjalë për një variant të ri shqetësues të zbuluar së fundi në Indi.
“Nuk ka rrezik zero. Vaksinat mund të jenë drita në fund të tunelit, por ne nuk duhet të lejojmë që ajo dritë të na verbojë”, tha Kluge.
